آسـف لكـل دموع نزلتلـك***آسف إن كنت فى يوم حنيتلك
كنت في يوم للقلب حبيب***يــاما بكـل الشـــوق غـنيتـلك
يـاما سهرت ويـاما بـكـيت*** صنت لحبك أجمل بيت
ياما عيون فى الحب نادتنى*** وأنا لعيونك بس ناديت
آســف لحــبى بكـل كــيانـى*** آسف إن انا خبيت أحزانى
خفت دموعى تشوفها عيونك***ينزل دمعك يوم علشانى
حــبك كــــان لحيـاتى الــجنة*** وانا ولا مرة معاك بتهنى
لكن كنت بشوف فى مشاعرى*** حب عشانه كتير بستنى
لوبتمون على حب جنونى***اقسى كمان واخلفلى ظنونى
يمكن روحى تفـــــــارق حبك***يمكن صورتك تنسى عيونى
عمر القلب ما تاه فى كلام*** على دقاتك كان بينام
عمره ما جرّح قلب آمنله*** واما يآمــن يلقــى آلام
آسـف بقولها فى آخـر يـوم *** قلبى فى حبك كان مظلوم
وده كان ذنبه وذنب عيونه*** وانا حـلـفـته علـيك مايلوم
لكن أغرب حاجة حقولها*** لـما كــرامتى الجرح يــطولـهـا
واما ألاقى الــدنيا تـلومك***(( قلبى مسامحه)) لسانى يقولها
